غراتان الشوفلور لذيذ جدا سهل و سريع التحضير

غراتان الشوفلور بالدجاج والجبن

وصفة تاع اليوم راح ندير معكم واحد الوصفة اللي بزاف بنينة وهي غراتان الشوفلور بالدجاج والجبن. تقدروا ديروها لفطور ولا العشاء. اللي هي كراتان تاع شوفلور بطريقة سهلة وبسيطة. وفي اخر الفيديو ح نوريلكم حاجة بزاف تعجبكم. كملوا الفيديو الاخير وما تراطي والو.

مقادير غراتان الشوفلور:

راس صغير تاع شوفلور
ورقة تاع رند
3 فصوص تاع الثوم مقطعين على زوج
ملح
شوية تاع القزبر
شوية تاع الكركم
فلفل كحل
زنجبيل
نص در صغير تاع دجاج مقطع مربعات
شوية تاع الملح
فلفل كحل
شوية تاع عكري
ثوم بودرة
توابل الدجاج
زيت
نص حبة بصل مقطعة مربعات
كاس تاع كريم ليكيد
فروماج غبي
فروماج اوكيس

طريقة تحضير غراتان الشوفلور:

نقطع الشوفلور إلى قطع صغيرة ونغسله مليح.
نحط الشوفلور في الماء ونزيد له ورقة تاع رند، 3 فصوص تاع الثوم مقطعين على زوج، ملح، شوية تاع القزبر، شوية تاع الكركم، فلفل كحل، وزنجبيل.
نحط الشوفلور على النار ونخليه حتى يغلي ويطيب لي واحد 70%، ما تخلوش حتى يطيب كامل.
في مقلة، نحط نص در صغير تاع دجاج مقطع مربعات.
نضيف له شوية تاع الملح، فلفل كحل، شوية تاع عكري، ثوم بودرة، توابل الدجاج، والزيت.
نخلط مليح هذا الدجاج والملح وليز بيس ونحط هذ المقلة على نار تكون متوسطة.
نبقى غير نحرك حتى نحس بلي هذا الدجاج تحمر شويه.
نفرغ عليه نص حبة بصل مقطعة مربعات.
نقلي ومن بعد نغطي على هذا الدجاج والبصل ونخليه حتى يطيب.
كي نلقى البصل طاب، نحي الغطا ونبقى نحرك حتى هذاك البصل يتكرمل.
نجيب الشوفلور ونفرغه في المقلة مع الدجاج والبصل.
نخلط مليح.
نزيد شوية تاع فروماج غبي.
نجيب كاس تاع كريم ليكيد ونبقى نحط غير بشوية حتى تشمخ كامل هذاك شوفلور والدجاج.
نجيب المول تاعي ونحط فيه نصف الكمية.
نضيف فروماج اوكيس مقطع قطع صغيرة.
نحط النصف الثاني من الخليط في المول.
نضيف شوية تاع فروماج غبي من الفوق.
ندخل المول في الفرن مسخن على 200 درجة.
نخليه يطيب، نشعله من تحت ومن بعد نحمره من الفوق.
نخرجه ونقدمه سخون.