حلوى السكر التقليدية المقرمشة بمذاق لا يقاوم
الحلوى تاع زمان اليوم جبتها لكم بمقادير قليلة وطريقة سهلة وراح تخرج لكم 35 حبة يعني كمية كبيرة بأبسط المقادير. الحلوى تاع اليوم بزاف سهلة وبنينة بنينة هايلة، الناس اللي يحبوا التقرميش حتعجبهم هذه الحلوى توالم مع القهوة حليب.
مقادير حلوى السكر
- نصف كأس تاع زيت
- نصف كأس مارغرين مذابة
- 3 حبات بيض
- قرصة ملح
- كأس غير ربع سكر عادي (ماشي سكر كلاصي)
- 4 كؤوس فرينة تقريبًا (الحجم تاع الكأس 220 ملليلتر)
- مغرفة كبيرة تاع لافاني
- صاشي خميرة كيميائية (10 غرام)
- سكر عادي للتزيين
طريقة تحضير حلوى السكر
- نذوب المارغرين ونزيدها على الزيت.
- في بول، نحط 3 حبات بيض ونزيد قرصة ملح مع كأس غير ربع سكر، ونضرب البيض والملح والسكر مليح حتى يذوب السكر كامل.
- لازم تحسوا بالسكر ذاب باش الحلوى تجيكم خفيفة من الداخل وما تجيش ثقيلة.
- نزيد خليط الزيت والمارغرين بشوية بشوية ونبقى نضرب، وإذا ماكانش عندكم باتور، اخدموا بالفوي لكن لازم تضربوا مليح.
- نبقى نحط الفرينة بشوية ونطم العجينة، نحط أولاً رطل فرينة ونزيد الكأس الثالث والرابع غير بالعقل حتى نتحصل على عجينة طرية بزاف.
- لازم العجينة تجي شادة روحها، إذا جاتكم كي العجينة تاع الصابلي، الطو ح يجيكم يابس وثقيل، لازم تجي خفيفة.
- نكور العجينة كويرات وزنهم 30 غرام، واللي ما عندهاش ميزان، تقسمها على 35 حبة، ويدكم تكون خفيفة باش العجينة ما تنشفش.
- نرمد الكريات في السكر ونحطها في السينية، وندخلها الطو نسخنه على 160 درجة، نشعل من تحت وبعد نحمرها من الفوق.
- كي تطيب، لازم تجي محمرة ماشي بيضاء.
توصيات حول حلوى السكر
- كي تطيب، لازم تجي محمرة، ما تطيبوش بيضاء.
- العجينة كي راهي مطلوقة، راح تخلينا الحلوى تاعنا كي تطيب تجي من الداخل معلكة ومن برا مقرمشة، واحد البنة هايلة.
- إذا ما كانش عندكم الطابع، تقدروا تديروا غير بالموس ولا بالمغرفة أي شكل تحبوه، وسينون ما تديروش كامل، غير رمدوها في السكر وخلاص.
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة
