طريقة تحضير حلوة الليمون بالشوكولا: حلوى جافة بنكهة مميزة وتزيين شهي
حلوة الليمون حلوى جافة بنكهة القارص، حلوة بزاف، سهلة بمقادير بسيطة كالعادة والبنة روعة.
مقادير حلوة الليمون
- 125 غرام مارغرين الباط (250 غرام مقسومة على زوج)
- 5 مغارف كبار تاع الزيت
- قرصة ملح
- 2 مغارف كبار فلون ذوق ليمون دير تاع القارص
- 2 مغارف كبار سكر كلاص
- 1 حبة بيض
- 1 مغرفة صغيرة تاع لافاني ولا زاست تاع القارص (مبشور تاع الليمون)
- نص كاس تاع نواد كوكو
- 3 كيسان فرينة (بالتدريج حسب الحاجة)
- 1 مغرفة صغيرة ممسوحة خميرة كيميائية
- 150 غرام شوكولا
- مغرفة ونص تاع الزيت
- نواد كوكو أو مكسرات للتزيين (اختياري)
طريقة تحضير حلوة الليمون
نضرب المارغرين مع الزيت، الملح، الفلون بنكهة القارص، السكر كلاص، البيض، واللافاني أو زاست القارص حتى يذوب السكر.
نضيف نص كاس تاع نواد كوكو ثم نحط الفرينة بالتدريج، نزيد الكاس الأول ثم الثاني، بعدها الكاس الثالث شوي بشوي حتى نحصل على عجينة طرية بزاف.
نشكل العجينة بحجم 20 غرام، ما راناش نكور فيها، غير نقسمها برك، خرجت 33 حبة. نبدأ نشكلها بالشكل اللي نحبو: كور، هليلات، صبيعات.
نخلي العجينة 20 دقيقة قبل الطهي، ثم نطيبها في فرن 160 درجة، نشعل الفرن من تحت، وبعدها من الفوق حتى تتحمر.
كي تبرد الحلوى، نذوب الشوكولا مع مغرفة ونص تاع الزيت حتى تصبح خفيفة، ثم نغطس الحلوى في الشوكولا ونزينها بنواد كوكو أو مكسرات.
توصيات حول حلوة الليمون
- ديروا الفلون بنكهة القارص باش تجيكم البنة هايلة.
- العجينة لازم تكون طرية، لا تخلوها يابسة بزاف.
- خليوا الحلوى تبرد قبل وضع الشوكولا باش تتلاص مليح.
- زاست القارص يعطي نكهة روعة، ديروه باش تجي بنينة بزاف.
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة
شاهد الوصفة كاملة:
حلوة الليمون اللذيذة: وصفة سهلة بمقادير بسيطة ونكهة لا تُقاوم
