وصفة بريوش ساهل و خفيف ناجحة 100% – هش وخفيف مثل القطن!
وصفة بريوش ناجحة 100% – هش وخفيف مثل القطن! بدون مبالغة هادا أروع بريوش درتو .. ساهل و خفيف كيما القطن .. مايشدش اليد و بزاف بنين. يجي بزاف خفيف ويخرج لكم كميه مليحه، وما يشد كامل اليد. وصفة ناجحة ومضمونة، نروحوا نشوفوا المقادير وطريقة التحضير.
مقادير بريوش ساهل و خفيف
- كاس حليب يكون دافي (الحجم تاع الكاس هو 220 ملليلتر)
- نص كاس سكر (عادي ماشي سكر كلاص)
- مغرفه كبيره خميره الخبز
- كاس تاع فرينه (للمرحلة الأولى)
- جوج مغارف كبار تاع الزيت
- حبا بيض ومعها بياض
- مغرفه كبيره تاع لافاني
- زز تاع القارص (اختياري)
- مغرفه صغيره ممسوحه ملح
- الكاس الثاني، الثالث، والرابع تاع الفرينة (نزيدوها بالعقل)
- مغرفه صغيره خميره كيميائيه (5 غرام)
- 50 غرام زبده ولا مارغرين
- شويه تاع الزيت للدهن
- كاس للضغط على العجينة
- فوج تاع فويور أو جوفريز (حسب الرغبة)
- صفار بيضه
- مغرفه كبيره تاع الحليب
- شويه تاع لافاني
طريقة تحضير أروع بريوش ساهل و خفيف كيما القطن
نحطوا كاس الحليب الدافئ في وعاء، نضيف نص كاس السكر، مغرفه كبيره خميره الخبز، نحرك حاجه خفيفه برك، ثم نزيد كاس تاع الفرينه. نغطي الوعاء بورق بلاستيكي ونحسب 10 دقائق.
كي فاتت 10 دقائق، نحيد البابي فيلم ونزيد جوج مغارف كبار تاع الزيت، حبا بيض ومعها بياض، مغرفه كبيره تاع لافاني، زز تاع القارص (إذا كان متوفر)، مغرفه صغيره ممسوحه ملح. نخلط هذ المقادير كامل ونبدا نخدم بيدي.
نزيد الكاس الثاني من الفرينة، ثم الثالث، والرابع غير بالعقل، ونزيد مغرفه صغيره خميره كيميائيه (5 غرام). نحط الفرينة غير بالعقل حتى تولي العجينة طريه وتلاصق غير شويه في اليدين.
نضيف 50 غرام زبده ولا مارغرين وندخلها في العجينة مليح، نبقى ندخل فيها بيدي حتى تولي طريه وخفيفه وما تتلاصقش. نخليها تخمر حتى يتضاعف الحجم، حوالي ساعة.
من بعد ما خمرت، نقسم العجينة على 13، اللي عندها ميزان دير 75 غرام، واللي ما عندهاش تقسمها على 13. نشكل كريات ونحطهم في السنيوه، نغطيهم ونخليهم يخمروا مرة أخرى.
بعد التخمير الثاني، ندهن الوجه بشويه تاع الزيت، ونستعمل كاس نضغط به في الوسط. نحط فوج تاع فويور في الوسط (أو شوكولا حسب الذوق). نخلط صفار بيضه مع مغرفه كبيره تاع الحليب وشويه تاع لافاني، وندهن الوجه بالبنسو غير بالعقل باش ما نهبطوش العجينة.
نشعل الفرن على 200 درجه ونطيب البريوش من التحت، كي نشم الريحة نشعل عليه من الفوق حتى يتحمر. نخليه يدفى شويه ثم ندهنه بالناباج، ونرشه برشه خفيفه تاع كاوكاو أو الفوج حسب الرغبة.
توصيات حول بريوش ساهل و خفيف
- نحطوا الفرينة غير بالعقل باش ما يجيش البريوش ثقيل.
- نخليوه يخمر مليح باش يجي خفيف.
- كي نطيبوه، نقعدوا قدام الفرن لأنه يطيب بسرعه.
- إذا درتوا كونتيتي كبيرة، دخلوه للكونجيلاتور، وكل ما تحبوا تاكلوا سخنوه شويه في الفرن.
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة